जिल्हा परिषद प्राथमिक केंद्र शाळा, पिलीव येथे शिक्षणतज्ज्ञ म्हणून श्री. तुषार जाधव यांची निवड..
ई आर न्यूज मराठी | पिलीव (ता. माळशिरस)
प्रतिनिधी – विनोद लोखंडे
:जिल्हा परिषद प्राथमिक केंद्र शाळा, पिलीव येथे आयोजित शाळा व्यवस्थापन समितीच्या सभेत शिक्षणतज्ज्ञ म्हणून श्री. तुषार जाधव यांची सर्वानुमते निवड करण्यात आली. त्यांच्या निवडीमुळे शाळा परिसरात आनंदाचे वातावरण निर्माण झाले असून, शाळा व्यवस्थापन समिती, शिक्षकवृंद, पालक आणि ग्रामस्थांनी त्यांचे पुष्पहार घालून व सत्कार करून अभिनंदन केले.
यावेळी उपस्थित मान्यवरांनी श्री. जाधव यांना पुढील वाटचालीसाठी शुभेच्छा देताना, त्यांच्या शैक्षणिक ज्ञानाचा, अनुभवाचा आणि दूरदृष्टीचा शाळेच्या सर्वांगीण विकासासाठी निश्चितच लाभ होईल, असा विश्वास व्यक्त केला.
शाळेतील शिक्षणाची गुणवत्ता उंचावणे, विद्यार्थी, शिक्षक आणि पालक यांच्यात प्रभावी समन्वय निर्माण करणे तसेच शाळेला प्रगतीच्या नव्या उंचीवर नेण्यासाठी श्री. तुषार जाधव यांचे मार्गदर्शन मोलाचे ठरेल, असा आशावादही उपस्थितांनी व्यक्त केला.
या कार्यक्रमास शाळा व्यवस्थापन समितीचे पदाधिकारी, शिक्षकवृंद, पालकवर्ग तसेच ग्रामस्थ मोठ्या संख्येने उपस्थित होते. उपस्थितांनी श्री. तुषार जाधव यांना पुढील शैक्षणिक कार्यासाठी मनःपूर्वक शुभेच्छा देत त्यांच्या निवडीचे स्वागत केले.
